مقادير صابلي مكتوبة بالتفصيل | الصابلي التونسي بعجينة واحدة هشّة تذوب في الفم مع طرق مختلفة للتزين

اليوم جئتكم بوصفة هلال الصابلي بالتي سأخبركم عنها، بنة رائعة. حضرت لكم من عجينة واحدة ثلاثة أنواع مختلفة. هذه المرة حبيت أن أجلب لكم أشياء متنوعة حتى تأخذوا فكرة ولما لا تجربوهم.

النوع الأول سيكون أبيض عادي بسيط بالعجينة الصابلي المتعارف عليها. والنوع الثاني سيكون بالفستق، 50 غرام فستق فقط نستطيع نحضر منه نوع جديد. ونفس الشيء بالنسبة للبوفريوة فقط 50 غرام. وهذا الكل من عجينة واحدة. وبطبيعة الحال لكم حرية الاختيار، تستطيعون حتى تعملوه صابلي بسيط أبيض عادي. سأريكم المقادير كلها في صندوق الوصف بالتفصيل، وأكيد سأريكم طرق مختلفة للتزيين حتى تجربوهم. إذا عجبكم الصابلي هذا، اقعدوا معايا واتبعوني للآخر.

المقادير

نجي الآن للمكونات. بما أننا سنعمل ثلاثة أنواع مختلفة من عجينة واحدة فقط، هذا هو السبب أننا سنعمل الكمية 1 كيلو. إذا أردتم تعملوا نصف كيلو فقط قسموا كل شيء على اثنين.

• 900 غرام من الفرينة
• 500 غرام من الزبدة الحيوانية على درجة حرارة الغرفة، تكون طرية وكريمية
• 300 غرام من سكر كلاص أي السكر المحور
• 4 حبات بيض متوسطة الحجم على درجة حرارة الغرفة
• 2 باكوات سكر فاني، يجيوا 16 غرام
• 50 غرام فستق مرحي
• 50 غرام بوفريوة مرحية
• 50 غرام نشاء

طريقة تحضير العجينة الأساسية

نبدأ بسم الله. أول حاجة نحط الكمية كلها متاع الزبدة، لازمها تكون طرية بالطريقة هذه، ما تكونش سائلة وما تكونش يابسة كثير، تكون كريمي القوام. نكمل نضيف عليها سكر الفاني اللي هوما 2 باكوات يجيوا 16 غرام مع بعضهم، ونضيف الكمية الكاملة متاع سكر كلاص. لازمنا نغربلو ضروري على الآخر لأنه يكون فيه حبيبات وكعابر. دونك باش نديرو ديما نغربل، وراه 300 غرام تجينا حلاوة مضبوطة، لا حلوة كثير ولا ناقصة حلاوة.

بعد ما نغربلهم، نجيب المضرب الكهربائي ونخدم كل شيء مع بعضه، يعني الزبدة مع السكر نحلهم مع بعضهم بالباهي. تلاحظوا حتى الخليط تحسوه يولي كريمي شوية. وتوا نبدأ نضيف البيضة بالبيضة، نفقسها ونضيف بالحبة، لازمها حتى هي تكون على درجة حرارة الغرفة ومتوسطة الحجم، لا كبيرة كثير ولا صغيرة زيادة. كي حطيت الأربع حبات الكل، ما قعد كان باش نرجعوا نخدمهم بالطريقة هذه، ما نحناش بهم تخدم كثير ولا البيض يطلع ولا حاجة، لا فقط باش يدخل البيض ويتجانس بالباهي مع السكر والزبدة لا أكثر ولا أقل، بشوية بشوية حتى يختلط كل شيء مع بعضه بالباهي. نخلطوهم تدريجيا. تجم حتى تخدمها باليد ما فماش مشكل، لكن المضرب الكهربائي يعاون أكثر ويسهل علينا الخدمة. نجي على كل الأطراف، تلاحظوا كي الزبدة تطلع الفوق، نحاول نهبط بالطريقة هذه ونرجع نخدمهم مع بعضهم، حتى نتحصل على الخليط اللي احتجنا إليه.

وتوا ما قعد كان باش نكمل نضيفوا عليها الفرينة اللي هي مقدار 900 غرام. ونغربلها مليح مليح بطبيعة الحال باش ما يكونش فيها كعابر ولا حاجة. بالنسبة للكمية متاع الفرينة 900 غرام تجي بالضبط، لأنه من بعد باش نكمل نضيفوا الفواكه، والخطر العجينة باش نقسمها على ثلاثة باش نعمل منها ثلاثة أنواع. أما إذا كان باش تعملوا صابلي عادي من غير فواكه، تكملوا تضيفوا لها 100 غرام فرينة و100 غرام النشاء اللي باش يعطي الهشاشة. دونك لكم حرية الاختيار.

كملت حطيت الكمية الكاملة متاع الفرينة، غربلتها مليح مليح، والخدمة الكاملة توا باش تكون باليد. فقط نحاول نلم العجينة تدريجيا بأطراف الأصابع فقط، ما تعجنوش راه ما ينجح معكم. فقط نلموها بالطريقة هذه، بشوية بشوية تتلم معكم. تلاحظوا لهنا كيفاش تولي. وبالنسبة للعجينة هنا، راي باش تقعد تلصق في اليد، لأنه من بعد باش نكمل نضيفو الفواكه، دونك تلقائيا باش تتلم معانا. وديما الفرينة حسب النوع إذا كانت تشرب أكثر تضيفوا، لكن بالنسبة للمرحلة هذه لازمها تكون بهذا القوام.

إضافة النكهات المختلفة

النوع الأول: صابلي بالفستق

وتوا باش نجيوا للمرحلة الأخيرة باش نضيف الفواكه. بالنسبة للنوع الأول، باش نستعمل الفستق. خذيت هنا مقدار 50 غرام فقط، رحيته بالطريقة هذه مليح مليح، فيه شوية حبيبات لكن جيدين على الآخر. العجينة قسمتها على ثلاثة قد قد، ونبدأ نضيف الفستق. النوع الأول اللي باش يكون بالفستق، حطيت فيه 50 غرام متاع الفستق ونلم بالطريقة هذه من غير ما نعجن. كالعادة نحاول ندخل فيها المحتوى الكامل بالباهي. تستطيعوا إذا تحبوه اللون يظهر أخضر أكثر من اللازم تضيفوا حتى شوية لون، أنا ما ضفت لأخليها طبيعي. بما أن الفستق اللي عندي ما شاء الله لونه أخضر كثير ومزيان، دونك لأخليها هكا. وهاهي النتيجة بعد ما يتلم، تلاحظوا تكون طرية على الآخر وفي نفس الوقت كي تجيوا تلموها تتلم بين يديكم، وفيها الزبدة. بعد ذلك نخليوها ترتاح في الثلاجة باش تزيد تتماسك شوية.

النوع الثاني: صابلي بالبوفريوة

نجيوا توا للنوع الثاني اللي باش يكون بالبوفريوة. نفس الشيء، رحيتها بالطريقة هذه لكن ردوا بالكم وقت اللي ترحيها ما تخليوهاش تفرز زيتها، فقط دوب ما تترحى، تولي فيها شوية حبيبات لا أكثر ولا أقل. من بعد نضيفها كالعادة للخليط أو للعجينة ونخدمها بالطريقة هذه بأطراس الأصابع، نحاول ندخل فيها المحتوى الكامل من غير ما نعجن. وتلاحظوا حتى اللون بعد ذلك يتغير ويغمق شوية. وما شاء الله تجينا من بعد صابلي الكيف. وهذا القوام متاعها بعد ما تلمت، بالضبط بالضبط لازمها تكون هكا.

النوع الثالث: صابلي أبيض عادي

وآخر نوع توا باش نعملوه عادي يكون أبيض، الصابلي العادي اللي نعرفوه. دونك باش نضيف عليهم مقدار 50 غرام من النشاء. والنشاء هنا لازمنا نغربلو مليح. علاش ضفت النشاء؟ باش يعطينا اللون الأبيض المزيان متاع الصابلي، وفي نفس الوقت يزيد يجينا هش هش على الآخر. دونك ضفت فقط مقدار 50 غرام ونخلط بالطريقة هذه كالعادة بأطراس أصابعي، بشوية بشوية يدخل في الخليط. إذا تحبوا تستعملوا نوع من أنواع الكيا تستطيعوا تضيفوا هنا، تجم حتى تضيفوا اللوز الأبيض. باش واحدة تجيكم بيضاء، وواحدة تجيكم في الفير وأخرى تجيكم غامقة شوية. دونك لكم حرية الاختيار. وهذه النتيجة بعد ما تلمت شوية، ما شاء الله تجينا بات تري هشة.

وهاهي الأنواع الثلاثة بعد ما حضرتهم. اللي بالبوفريوة، والبيضاء العادية البسيطة، واللي بالفستق. حبيت نوريكم القوام عن قرب كيفاش لازمها تكون، لازمها تكون طرية طرية على الآخر لأنه فيها الزبدة. كي باش نخليوها ترتاح في الثلاجة راهي باش تزيد تتماسك على الآخر. دونك القوام ما يلزمهاش تكون متماسكة كثير. وعطيت المقادير مضبوطة.

توا هنا شنو باش نعمل؟ باش نجيب أكياس التغليف، كل حبة باش نحطها وحدها لأنه عندنا ثلاثة أنواع مختلفين وألوان مختلفين. باش ما يلصقوش في بعضهم، كل واحدة نحطها وحدها. تستطيعوا تستعملوا كيس تغليف ولا حتى ورق سيلوفان، أي حاجة متوفرة عندكم. المهم لازم تغطوا مليح مليح باش ما يجفوش، وفي نفس الوقت ما يطلعوش قشرة من الفوق باش ما يتعبوناش في الخدمة. حاولوا تخرجوا منها الهواء إذا تستعملوا كياس التغليف، وإذا تستعملوا ورق سيلوفان لفوا مليح مليح باش يحافظوا على الطراوة متاعهم. وتوا تلاحظوا هنا بعد ما كملت حضرتهم، ما قعد كان باش نأخذهم ونحطهم في الثلاجة باش نخليهم مدة نصف ساعة، باش يزيدوا يتماسكوا شوية والزبدة تتماسك في وسطهم، حتى من بعد يسهلوا علينا في الخدمة. وتجينا البات تعمل الكيف. نصف ساعة تكفي بالغرض.

تشكيل الصابلي

نجي توا لطريقة التحضير بعد ما ارتاحوا في الثلاجة وتمسكوا شوية، خاصة وأن الدنيا بدأت تسخن. توا باش نبداو نحلوهم. طريقة الحل سهلة كثير: نحطوا ورق كيس من التحت، نحطوا العجينة متاعنا، ومن بعد نحطوا ورق كيس من الفوق. نجيبوا بحذانا بطبيعة الحال طبق يكون عليه ورق كيس، باش وقت اللي نشكلوهم نحطوهم فوقه باش ما يتحرقوش ويقعدوا مزيانين.

تشكيل الصابلي الأبيض

أول نوع بديت نحلو هو النوع البسيط اللي يكون لونه أبيض عادي. حليته بالطريقة هذه، ما نخليهوش خشن كثير، وفي نفس الوقت ما نحلوهوش أكثر من اللازم وإلا يولي يتكسر كثير ويجيكم اللون من بعد يطيب أكثر من اللازم. بالنسبة للقالب، باش نستعمل هذا القالب البسيط المدور. نغطسه شوية في الشاي ولا الفرينة أي حاجة متوفرة عندكم، نحطوا فيها القالب كامل باش حتى كي نجيوا نشكلوا ما يلصقش في العجينة. وبشوية بشوية نشكله. بالنسبة لعملية التشكيل، مهم كثير إنكم ما تحركوش القالب، وإلا الشكل يتغير ولا يصغر شوية ولا يتسع. دونك فقط دوب ما تطبعوا عليها باش تأخذ الشكل المزيان ومن بعد تنحوا، يعني ما تقعدوش تمشوا فيها وتحركوها. العجينة الزائدة كاملة نموها وبطبيعة الحال ما يتلوج حتى شيء، هذاك الكل نموها بالضبط ونعبروا بالباهي ونحطه في كيس على جنب باش ما يجفش، ومن بعد إن شاء الله نزيد نعاود نحلو بنفس الطريقة بالضبط.

وتوا بعد ما كملت شكلتهم، حبيت نوريكم السماكة كيفاش تكون. لا تكون غليظة كثير ولا تكون رقيقة كثير. وخليتهم شوية بعاد عن بعضهم. وكي تجيوا تأخذوا الحبة، أخذوهم بورق الكيس باش الحجم والشكل ما يتغيروش ويقعد هكا الحجم كما هو، ما هو باش حتى من بعد كي يطيبوا وتحطهم حبة فوق حبة يجيكم الكلهم قد قد، ما تبقاش حبة كبيرة وحبة طالعة وحبة هابطة، يجيكم الكلهم مستويين ومزيانين ومرتبين. وآخر حاجة باش نعملوها هي الفتحات في الوسط. ديما احسبوا الحبات بعضهم وقداش، وعلى قدهم تعملوا الحبات الآخرين اللي يكونوا بفتحات، باش كل حبة تجي فوق أختها. أنا خذيت هذه الأداة فيها دائرة وشكلت بها الدوائر في الوسط. وكيما تلاحظوا النتيجة ما شاء الله كيفاش تكون تعمل الكيف.

تشكيل صابلي الفستق

توا نعديوا نشكلوا الصابلي متاع الفستق بنفس الطريقة بالضبط. باش نحطوا ورق كيس ونحطوا فيه العجينة ونحلوها بالمرقاق. أول ما تحل تحسوها قاسية شوية لأن الزبدة تماسكت بالباهي كي حطيناها في الثلاجة، لهذا السبب. لكن من بعد كي تبداو تحلوها بشوية بشوية تمشي معكم بسهولة وتبدا تتحل والزبدة تطرى بشوية. تلاحظوا السماكة ما يلزمش تكون رقيقة كثير وما يلزمش تكون خشنة كثير، في المتوسط. نستعمل القالب هذا اللي على شكل مربع، نغطسه شوية في النشاء، تستطيعوا تغطسوه شوية في الفرينة كيف ما تحبوا، المهم باش ما يلصقش في العجينة والحبة تجينا مستوية ومرتبة. تلاحظوا الشكل بعدهم ياسر مزيان. العجينة الزائدة بطبيعة الحال باش نرجعوا نلموها ونحطوها في الكيس ومن بعد نرجع نبدأ نحل. وكيما تلاحظوا الحبات يجونا مربعات قد قد، لا حبة خشينة ولا حبة رقيقة ولا حبة معوجة، يجونا ما شاء الله يعملوا الكيف. بطبيعة الحال نحطوهم ديما على طبق يكون عليه ورق كيس. وباش نكمل نعمل فيهم فتحة دائرية في الوسط. عندي هنا القالب مربع لكن حبيت نعملهم هكا دائريين يظهروا حلوين كثير في هذا النوع. والدائرة ما تعملهاش كبيرة كثير وفي نفس الوقت ما تكونش صغيرة كثير، حتى تكون الحشوة والكريم ظاهرين في وسطها. وتوا بعد ما كملت حضرتهم، نأخذهم ونحطهم في الفرن.

تشكيل صابلي البوفريوة

وآخر نوع توا باش نحضروه اللي هو بالبوفريوة. كالعادة نجيب العجينة نحلها بين ورقتين من ورق الكيس، بشوية بشوية تمشي معكم بسهولة. وهذا النوع باش نعملوه بجوج أشكال مختلفة. نحلوها على كل الأطراف، تلاحظوا السماكة متاعها. وباش نستعمل هذا القالب ياسر مزيان وحلو ويجينا شكل حلو. بالنسبة للقالب تستطيعوا تستعملوا أي شكل متوفر عندكم وأي نوع متوفر عندكم، أنا اليوم حبيت أنوع باش تأخذوا فكرة ويبقى الشكل مختلف وفيه حاجات مختلفة. وكالعادة نحاول من ورق الكيس ونحطه على الطبق، وديما حاولوا تأخذوا بورق الكيس باش الشكل ما يتفززش، ومن بعد حتى كي يطيبوا ما تبداش حبة أكبر من أختها ولا حبة معوجة ولا حاجة. دونك ورق الكيس يعاون بالضبط. ونبعدوهم شوية على بعضهم. بطبيعة الحال باش نجي نعمل الدائرة في الوسط اللي وقت نحط الكريم من بعد إن شاء الله تكون واضحة في وسطها وتجينا حاجة مزيانة.

بالنسبة لباقي العجينة، كملت حلتها بنفس الطريقة لكن حبيت نعملها بشكل آخر وهي على شكل وردة، باش ننوع في الطبق متاعنا وتظهر حاجة مختلفة على الأخرى ويجينا طبق مزيان يعمل الكيف. كملت شكلتهم. بطبيعة العجينة الزايدة من بعد نعاود نحلوها ونخدمها. وكيما تلاحظوا عملت فيها دائرة في الوسط حتى هي. وكالعادة نأخذهم ونحطهم على نفس درجة الحرارة ونفس التوقيت يطيبوا في عقلهم.

الخبز

الآن نأخذهم وندخلهم إلى الفرن. ولازم الفرن يكون على درجة حرارة 170 درجة، نشعل عليهم من الفوق ومن التحت ونخليهم 10 دقائق فقط، يعني ما يأخذوش وقت كثير. فقط دوب ما تراهم بدأوا يبيضوا ويبياضوا شوية، وقتها انزعوهم، وإلا من بعد يحمروا أكثر من اللازم. دوب ما يبداو يحماروا شوية من التحت، وقتها نحيهم. وهذه النتيجة بعد ما كملوا حضرتهم، ما شاء الله طابوا في حقهم. هذوما اللي خليناهم أبيض، وهذوك اللي بالبوفريوة، والآخرين اللي بالفستق. ما شاء الله بنة وريحة ما نحكيلكمش، وجات حبة خير من أختها مرتبين مزيانين. حبيت نوريكم عن قرب باش تراو قداش البات ياسر طيارة، كي تحطوا الحبة على الحبة تجيكم قد قد نفس العلو، مرتبين مزيانين. هذا البوفريوة تبدو حبات الفريو ظاهرة فيه ولونها يكون أغمق شوية وزادت حمرتها شوية. وهذي اللي عملناها على شكل الوردة تجينا حلوة ومزينة. وهذي اللي عملناها بالفستق ما شاء الله الكمية عملتها كبيرة شوية ويجوا ياسر حلوين والفستق ظاهر في وسطهم.

الحشو والتزيين

توا بالنسبة للحشو، اللي بالفستق باش نعمل فيهم كريم دو بيستاش، هذي شريتها حاضرة، وتستطيعوا تستعملوا معجون أو أي حاجة متوفرة عندكم. وبالنسبة للمعجون، باش نستعمل اليوم المعجون الديري اللي حضرناه مع بعضنا في تحضيرات رمضان، معجون البردان. وبالنسبة للي بالبوفريوة، باش نستعمل النوتيلا تتماشى معاها كثير، وتستطيعوا تستعملوا أي شوكولاتة. وتوا باش نوريكم طرق مختلفة للتزيين حتى تعتمدوا ويكون الطبق متنوع.

خديت خمس حبات كما هم، رشيت عليهم السكر كلاص، يعطي مظهر حلو ويبان. وهذا النوع باش نعملهم بالمعجون متاع البردان، هذا المعجون الديري راهو بنة غير عادية متحفظة وما شاء الله لونه يعمل الكيف. شوفوا المنظر قداش يجينا مرتب ومزيانين وياسر حلوين.

وبالنسبة للنوع الثاني، باش نزينوه بالشوكولاتة. ذوبت شوية من الشوكولاتة وحطيتها في كيس صغير، قصيته فتحة صغيرة ونعدي خطوط هكا باش يعطي مظهر حلو. وهذو باش نعمل فيهم المعجون متاع الفريز. حتى هذا المعجون كان تتفكروا اللي حضرناه مع معجون البردان في تحضيرات رمضان، معجون ديري يعمل الكيف وبنة ما نحكيلكمش. واللون ياسر حلو حتى يبان في الصابلي مزين كثير. وهذي الحبة كيفاش تكون حلوة ومزينة، ولازم نخليها تبرد على جنب باش الشوكولاتة تتماسك.

بالنسبة للحبات الآخرين، باش نخليهم بسطاء هكا خمسة حبات، باش نعملهم بالمعجون متاع البردان بالطريقة هذه، حاجة بريزنتابل ومزيانة وبسيطة على الآخر. والآخرين باش نعملهم بالمعجون متاع الفريز نفس الشيء، باش نعمل ألوان مختلفة وتجينا حاجة مزيانة.

ونت توا للنوع اللي بالبوفريوة، تتماشى معاها كثير النوتيلا، كان ما هيش متوفرة ما قلت لكم تستعملوا شوكولاتة تعطي منظر حلو خاصة أن الحبة لونها فيه بقع متاع الفريو، بالحق حاجة مزيانة. والنوع الآخر اللي على شكل وردة حتى هو باش نعمل فيه نوتيلا يتماشى معاها على الآخر. وهذو باش نزينهم، حبات خليتهم كما هم سأوريكم شنو باش نعمل لهم بالضبط. وحبات باش نزينهم بالبوفريوة تكون مرحية، حطيت شوية عسل باش يلصق فيهم، وتستطيعوا تستعملوا حتى عسل، المهم أي حاجة تلصق. وحطيت شوية من البوفريوة على جنب. بالنسبة للحبات الآخرين، باش نحط فيهم البوفريوة في الوسط، هكا حبات يبانوا ظاهرين فيهم البوفريوة من داخل، وحبات نزين بهم على برا تجينا حاجة مزينة وتقديم جميل.

نجي توا للحبات بالفستق، هذوما باش نعملهم بالكريم دو بيستاش، شريتها حاضرة، تستطيعوا حتى تستعملوا شوكولاتة بيضاء تذوبوها وتستعملوها، تستطيعوا تستعملوا أي كريم متوفرة ولا حتى معجون. وفي حبات آخرين باش نعملهم بالمعجون يعطي تناقض حلو. دونك هنا حبات باش نخليهم كما هم، وحبات آخرين باش نحط فيهم شوية من البيستاش في الوسط، والحبات الآخرين باش نعملوهم بالمعجون اللي بالفريز لأنه يعطي لون مزين، تستطيعوا حتى تستعملوا المعجون متاع الفم بواز يتماشى معاه كثير. وعلى جنب باش نزينهم بالفستق، كالعادة دهنتها شوية بالعسل ويلصق فيهم، الحبات يخرجوا مزيانين وتقديم جميل. حبيت نوريه لكم عن قرب باش تراها كيفاش تكون.

النتيجة النهائية

وهاهي الأطباق متاعنا ما شاء الله بعد ما حضرتهم. شوفوا ما شاء الله قداش يجونا مزيانين وتقديم جميل، وكيفاش من عجينة واحدة خرجنا منهم ثلاثة أنواع مختلفة مزيانين كثير. خاصة أنه بطرق تزيين بسيطة، أي واحد فيكم ينجم يعملها، لكن تطلعنا حاجة مضخمة وحلوة. حتى إذا تحبوا تعملوا مشروع منزلي في الدار تبيعوا صابلي من الدار، صدقوني حاجة ما فماش ما أروع منها. وفي العيد تعملوا حاجة نظيفة وحدكم في الدار، بالحق راهو بنة على بنة يجيكم مهشش رائع. حبيت نوريكم الحبات عن قرب باش تراو الشكل قداش حلو وقداش مزيان والحبات يجوا مرتبين كثير، وبالحق البنة راه ما نحكيلكمش، لازم تجربوا. وأكيد لازمني نحل لكم حبات باش تراو قداش يجيونا هشيشين. هذي اللي عملناها بالفستق، بنة ما نحكيلكمش. وهذي اللي بالشوكولاتة، هشاشة رائعة رائعة تذوب في الفم. وهذي اللي بالمعجون، بنة ما نحكيلكمش.

الأسئلة الشائعة

كيف تكون العجينة قبل إضافة الفرينة؟

تكون العجينة طرية وتلصق في اليد قليلا، وهذا طبيعي لأننا سنضيف الفواكه والنشاء بعد ذلك، فتتماسك تلقائيا.

لماذا نضيف النشاء في النوع الأبيض فقط؟

النشاء يعطي اللون الأبيض الجميل للصابلي وفي نفس الوقت يجعله هشا جدا.

كم مدة ترك العجينة في الثلاجة؟

نصف ساعة كافية حتى تتماسك الزبدة ويسهل علينا حل العجينة وتشكيلها.

ما هي درجة حرارة الفرن ومدة الخبز؟

درجة الحرارة 170 درجة، والمدة 10 دقائق فقط، حتى يبدأ البياض من فوق والتحمير الخفيف من تحت.

كيف نمنع الحبات من الالتصاق أثناء التشكيل؟

نغطس القالب في قليل من النشاء أو الفرينة قبل كل استعمال، ونستخدم ورق الكيس لنقل الحبات دون لمسها.

هل يمكن استعمال أنواع أخرى من المكسرات؟

نعم، يمكن إضافة اللوز الأبيض أو استعمال أي نوع كيا متوفر، ولكم حرية الاختيار.

قولي في كومنتير شنو رايكم في فيديو اليوم، إن شاء الله يا ربي تكون عجبتكم ونشوفكم في فيديو جاي، باي باي.