كرواسون محشي بكريم باتيسيير والشوكولاتة

اليوم جئتكم بوصفة لذيذة جدًا، ظاهر من شكلها أنها شهية، سهلة جدًا ولا تحتاج إلى ميزانية كبيرة، ولا تحتاج إلا إلى حاجتين أو ثلاث. نحضر كريم باتيسيير ونحضر كرواسون أو بان شوكولا الموجود عندك، وقليل من الشوكولاتة، هذه هي الحكاية.

تحضير كريم باتيسيير

هنا باش نعمل كريم باتيسيير، هي عادة نصف لتر حليب عليها كيس كريم باتيسيير، هذاك البودرة حتى متاع تونس عادي، نفس الكمية. أنا حطيت كأسًا ونصفًا، يعني 250 و125، احسبوها 375 مل تقريبًا. المهم ما تكونش سائلة، ما نحبهاش تكون سائلة، نقصوا في الحليب وزدت عليها ثلاثة ملاعق سكر، الملاعق الصغيرة المملوءة.

خلطت قليلًا وحطيتها تطبخ، أسهل من هذا ما فماش. إذا تحب تزيد من بعد فواكه أو إضافات أخرى، حسب الذوق اللي تحب أنت تنجم تزيد. أنا خليتها هكذا.

تحضير الشوكولاتة

وتوا خذيت شوكولاتة تقريبًا 50 غرام. أنا خذيت شوكولاتة بالحليب لأني نحب الشوكولاتة بالحليب. كسرتها وحطيتها على حمام مائي أو تحطها في الميكروويف مدة دقيقة على 700 واط، مش 800، باش ما تتحرقش الشوكولاتة وتقعد محافظة على القوام متاعها.

عديت الدقيقة هذيك وبعد خرجتها، خليتها ترتاح شوية وحركتها حتى ذابت. في الأثناء وقت طابت الكريم باتيسيير خليتها تبرد شوية في نفس الكسرونة. في نفس الوقت حضرت الشوكولاتة ونقعد نحرك فيها باش تبرد بسرعة، وما نحبهاش باردة ياسرة باش ما تجينيش يابسة، نحبها تكون دافئة.

حشو الكرواسون وتزيينه

توا خذيت الكرواسون، خذيته حاضر وقصيته هكاك في النصف. هي تشبه للحلوى اللي اسمها شوكو كريم، وتاخذها بالبان شوكولا وبنفس الطريقة هذي. والشوكولاتة من برا تكون مقرمشة.

وحطيت الكريم باتيسيير في كيس تزيين، وإذا ما عندكش تنجم تحطه في كيس تجميد وتعمله ثقب وتنزل به عادي. وحشيتهم بالكريم.

وتوا باش نزين بالشوكولاتة، باش ما نوسخش المكان جبت ورق سلوفان وحطيتهم فوقه. حطيت الشوكولاتة المذابة في كيس تزيين وقصيت منه شوية باش ما يخرجش برشة، ويخرجلي بالمقدار اللي نحتاجه. وإذا عندك كيس عادي اعمل به، أنا ما عنديش كيس التزيين ونخدم بالطريقة هذي.

وعندي هنا كريمة فستق، ذوبت منها شوية وحطيتها زادة في كيس تزيين باش نزين بها من الفوق. هذي اختيارية، كريمة الفستق زدتها زيادة فقط. وإذا عندكم فراولة تنجموا تزيدوا تحطوها في الوسط فوق الكريم، تجي بنينة على بنينة. قبل كنت نعملها هكاك أما موش متوفرة عندي توا.

اللمسات الأخيرة والتقديم

زينت بشوية فستق وقطعته في الحين وحطيته فوقها. الوصفة سهلة وبنينة وسريعة. تحب تكلفها كلفها، تحبها ما تتكلفش ما تتكلفش. والإضافات ترجع لكم، تنجموا في الحشو من الداخل تزيدوا الشوكولاتة إذا تحبوا تكون أغنى بالشوكولاتة.

وحطيت كل واحدة في صحنها. بصراحة منظرها وحده يشهي، وهي جات بنينة برشة. نودكم ونشهيكم هكا.

الأسئلة الشائعة (FAQ)

خاتمة

وهذه وصفتنا كانت لليوم، إن شاء الله تجربوها وإن شاء الله تعجبكم. نلتقي في حلقة أخرى ووصفة أخرى إن شاء الله. وبالسلامة.